භාග්‍යවතුන් වහන්සේගේ නිර්මල ශ්‍රී සද්ධර්මය ලොව පුරා පැතිරවීමේ පිවිතුරු අදහසින් ආරම්භවූ පොල්ගහවෙල මහමෙව්නාව භාවනා අසපුමූලස්ථාන පුණ්‍යභූමියේ ගෞතම බුදු සසුනේ පිළිවෙත්පුරනා මහා සංඝරත්නයේ පහසුව පිණිස අතිපූජනීය කිරිබත්ගොඩ ඤාණානන්ද ස්වාමීන් වහන්සේගේ පූර්ණ ආශිර්වාදයෙන්, කුටි 96 කින් සමන්විතව භාවනා ශාලාවක්ද සහිත කුටි සංකීර්ණය මේ වන විටත් ඉදිවෙමින් පවතී.
මෙම සුවිශාල කුටි සංකීර්ණය, භාවනා ශාලාව සහ එහි මුලික අවශ්‍යතා සඳහා කොටස් වශයෙන් හෝ ශක්ති පමණින් ඔබගේ දායකත්වය ලබාදී පින් රැස්කරගත හැකිය. මෙම මහානීය පුණ්‍යකර්මය සඳහා ධනයෙන් මෙන්ම ශ්‍රමයෙන්ද දායකත්වය ලබාදීමේ අවස්ථාවද ඔබට උදාවී ඇත.
මෙම මහානීය වූ පුණ්‍යකර්මයට ශක්ති පමණින් තම දායකත්වය ලබාදෙන්නාවූ ද, නන් අයුරින් සහයෝගය දක්වන්නාවූ ද, දැක බලා සිත් පහන් කරගන්නාවූ ද, සුපින්වත් ඔබ සැමට වඩ වඩාත් සිත් පහන් කරගනු පිණිස මෙම සුවිශාල කුටි සංකීර්ණය ඉදිකිරීමේ සොඳුරු දසුන් පෙළ මෙලෙස පෙළගස්වන්නෙමු.
මේ උතුම් පුණ්‍යකර්මයෙන් ජනිත සියලු පුණ්‍යධර්මයන්, පින්කැමැති සියලුදෙන පහන් සිතින් අනුමෝදන් වෙත්වා…!
වැඩි විස්තර සඳහා පිවිසෙන්න
The post භාවනා ශාලාව සහිත කුටි සංකීර්ණය appeared first on Mahamevnawa Monastery.